Усяго за названы перыяд было праведзена 114 сустрэч з працоўнымі калектывамі прадпрыемстваў, устаноў, арганізацый Мінскай вобласці, разгледжана і абмеркавана звыш 300 зваротаў у рамках дзейнасці МІГаў. Пераважна вялікую цікавасць у працоўнай моладзі выклікаюць пытанні будаўніцтва жылля, арганізацыі якаснага вольнага часу і добраўпарадкавання тэрыторый населеных пунктаў, дзе яны пражываюць. Большасць пытанняў вырашаецца падчас сустрэч і зносін у фармаце адкрытага дыялогу, але пэўная частка патрабуе рашэння на ўзроўні выканаўчай улады і з прыцягненнем дэпутацкага корпуса.
Асаблівасць дзейнасці МІГаў на тэрыторыі Мінскай вобласці:
- мэтавая аўдыторыя – моладзь, што працуе (не школьнікі, як і ў іншых абласцях);
- практыка разгляду складаных пытанняў, якія ўзнімаюцца падчас сустрэч, на ўзроўні выканаўчага камітэта (карыстаюцца такой магчымасцю першыя сакратары, уключаныя ў склад рай (гар)выканкамаў);
- традыцыйны характар дзейнасці МІГаў (у той ці іншай форме існавалі на тэрыторыі рэгіёна заўсёды пад эгідай саюза моладзі, з кастрычніка 2017 года-функцыянуюць як МІГі).
