Чэрвеньская раённая арганізацыя БРСМ далучылася да удзелу ў рэспубліканскім праекце «Парк (алея, сквер) сямейных дрэў»

Чэрвеньская раённая арганізацыя БРСМ далучылася да удзелу ў рэспубліканскім праекце «Парк (алея, сквер) сямейных дрэў»

7 лістапада сем’і Валянціны Табалевіч і Юліі Сакалоўскай разам з першым сакратаром райкама БРСМ Паўлам Клындзюком, актывістамі з будаўнічага ліцэя, СШ №3 і №4 Чэрвеня, старшынёй раённай ветэранскай арганізацыі Іванам Ладуцькам і начальнікам раённай інспекцыі прыродных рэсурсаў і аховы навакольнага асяроддзя Валянцінам Пузанковым пасадзілі 20 кляновых дрэў на тэрыторыі Маладзёжнага парка ў гарадскім мікрараёне вуліцы Барыкіна.

Да кожнага саджанца прымацавалі таблічку ў выглядзе сэрца. На адным яе баку зроблены надпіс “Жыві сэрцам”, на другім – пазначана імя і прозвішча таго, хто пасадзіў дрэва.

– Наша арганізацыя ахвотна далучаецца да мерапрыемстваў па азеляненню Чэрвеня, – адзначыў Павел Клындзюк. – Напрыклад, сёлета ўвесну ў гонар 75-годдзя Перамогі садзілі дрэвы ў парку ля новых шматпавярховых дамоў у мікрараёне вуліцы Барыкіна. А клёны, якія з’явіліся ў Маладзёжным парку сёння, дапоўнілі алею “Гармонія і Шчасце”, закладзеную нашым актывам падчас мінулагодняга ўдзелу у праекце.

Rate this item
(0 votes)
Read 1685 times

Афіцыйны сайт Мінскай абласной арганізацыі ГА «БРСМ» © 2008-2019 Iнтэрнэт-партал «Моладзь Міншчыны». Усе правы защишены.

Інтэрнэт-прэмія «Тібо-2010» Лаўрэат Інтэрнет-прэміі «ТІБО-2010»
Інтэрнэт-прэмія «Тібо-2019» Лаўрэат Інтэрнет-прэміі «ТІБО-2019»
Інтэрнэт-прэмія «БРСМ-2019» Пераможца Інтэрнэт-прэміі «БРСМ-2019»