Рамантыка агульных спраў

Рамантыка агульных спраў

У КОЖНАГА чалавека ёсць ідэі, планы, творчыя задумы. Для рэалізацыі некаторых з іх патрэбны аднадумцы.

Маладым людзям у гэтым плане пашанцавала — ім на дапамогу можа прыйсці грамадскае аб’яднанне “Беларускі рэспубліканскі саюз моладзі”, якое дае магчымасць быць пачутым, абмеркаваць актуальныя пытанні, сустрэцца з зацікаўленымі людзьмі і атрымаць падтрымку сваіх далейшых дзеянняў. Пра тое, якімі ідэямі і справамі жыве раённая маладзёжная арганізацыя, расказвае першы сакратар раённага камітэта ГА “БРСМ” Марына АПАНАСЁНАК:

— Сёння агульная колькасць нашай раённай арганізацыі складае 1272 чалавекі. Стараемся, каб моладзь праявіла сябе ў мерапрыемствах розных накірункаў. Напрыклад, у патрыятычных. Кожны год члены грамадскага аб’яднання прымаюць удзел у “Сустрэчы пакаленняў” напярэдадні Дня Перамогі, якая адбываецца на месцы базіравання партызанскай брыгады імя Варашылава каля Чарэмшыцаў. Запамінальна адбываецца ўручэнне пашпартоў у рамках акцыі “Мы — грамадзяне Беларусі!”, якая прысвячаецца Дню Канстытуцыі Рэспублікі Беларусь. Не пакідаем без увагі і дапамогі пажылых адзінокіх грамадзян: акцыі “Мы побач з вамі”, “Ветэран жыве побач” праходзяць на працягу года. Важна разумець, што, дапамагаючы старэйшаму пакаленню, моладзь выказвае павагу і клопат не толькі пра людзей, але і пра сваю краіну ў цэлым. Актыўна члены “БРСМ” уключаюцца ў валанцёрскі рух, а таксама ў аказанне адраснай сацыяльнай дапамогі тым, хто ў гэтым мае патрэбу, асабліва напярэдадні Дня ведаў, Новага года і Калядаў.

Шмат увагі ўдзяляецца і вольнаму баўленню часу, заняткам спортам. Моладзь актыўна наведвае фізкультурна-аздараўленчы цэнтр у Мядзеле, а валейбалісты каманды аддзела адукацыі, спорту і турызму райвыканкама сталі пераможцамі раённага турніру сярод пярвічак грамадскага аб’яднання, які праходзіў у сакавіку гэтага года. У мінулым годзе ўпершыню правялі конкурс “Аўталідар” сярод працуючай моладзі. Удзел у ім прынялі 12 вадзіцеляў, конкурс меў станоўчыя водгукі, таму ў гэтым годзе будзем праводзіць яго зноў. Цікава, з запалам праходзіць і сямейны сельскагаспадарчы праект “Уладар сяла”.

Выкарыстоўваем у сваёй рабоце такі папулярны рэсурс як інтэрнэт — магутнае яднаючае звяно для сучаснай моладзі: у студзені мінулага года ў сацыяльнай сетцы “Вконтакте” была арганізавана група “Моладзь Мядзельшчыны”. Сёння яна ўключае ў сябе больш за 1200 удзельнікаў. Тут можна даведацца пра падзеі і навіны жыцця маладых людзей раёна. Таксама ёсць акаўнты ў Твітары і Інстаграм.

Асобным радком дзейнасці грамадскага аб’яднання значыцца арганізацыя работы маладзёжнага атрада аховы правапарадку (МААП), які аб’ядноўвае ў сваіх радах 105 юнакоў і дзяўчат раёна. Байцы МААП сумесна з супрацоўнікамі РАУС дзяжураць у месцах масавага адпачынку моладзі, наведваюць неблаганадзейныя сем’і, якія выхоўваюць непаўналетніх дзяцей. Пасля заканчэння сваёй установы адукацыі баец атрада мае перавагу падчас паступлення ў навучальныя ўстановы МУС і на факультэт унутраных войск Ваеннай акадэміі. У дзейнасці МААП ёсць і падстава для гонару. У мінулым годзе Дзмітрый Варабей заняў першае месца ў спаборніцтве па збіранні магазіна ў рамках абласнога вучэбна-метадычнага злёту камандзіраў і актывістаў МААП. А ў гэтым годзе на абласным зборы актывістаў праваахоўнага руху ГА “БРСМ” каманда раёна заняла 1-е месца ў намінацыі “Кіданне гранаты” і 3-е — у абласным вучэбна-метадычным зборы байцоў МААП “Бяспечны выбар”.

Упершыню сёлета ў маі адбылася вучоба актыву ГА “БРСМ” сярод працуючай моладзі “Я — лідар”, дзе самыя актыўныя кіраўнікі пярвічак атрымалі заслужаныя ўзнагароды. Летам жа папулярнасцю карыстаецца студатрадаўскі рух, дзе можна зарабіць грошай і цікава правесці час. Дарэчы, яшчэ не позна па гэтым пытанні звярнуцца да нас.

Оцените материал
(0 голосов)
Прочитано 1225 раз

Дополнительная информация

Добавить комментарий


Защитный код
Обновить

Официальный сайт Минской областной организации ОО «БРСМ» © 2008-2019 Интернет-портал «Молодёжь минщины». Все права защишены.

Интернет-премия «Тибо-2010» Лауреат Интернет-премии «ТИБО-2010»
Интернет-премия «Тибо-2019» Лауреат Интернет-премии «ТИБО-2019»
Интернет-премия «БРСМ-2019» Победитель Интернет-премии «БРСМ-2019»