Версия для печати

«Форум працоўнай моладзі»

«Форум працоўнай моладзі»

Што хвалюе сучасную моладзь, якія перспектывы яна бачыць у сваёй працы і як рыхтуецца да маючых адбыцца другіх Еўрапейскіх гульняў, якія пройдуць у Беларусі? Гэтыя і іншыя пытанні абмеркавалі на «Форуме працоўнай моладзі». Ён сабраў прадстаўнікоў самых розных прафесій з усіх раёнаў Мінскай вобласці ў Інстытуце павышэння кваліфікацыі і перападрыхтоўкі кадраў Беларускага дзяржаўнага педагагічнага універсітэта імя Максіма Танка.

Такая пляцоўка была абрана не выпадкова бо дзейнасць інстытута апроч іншага накіраванына на прадастаўленне дадатковай прафесійнай адукацыі. Гэта значыць працуе на павышэнне якасці кваліфікацыі ўжо працуюючых спецыялістаў, што вельмі важна ва ўмовах нашага свету, які, як вядома, імкліва развіваецца.

Арганізатарам форуму выступіў Мінскі абласны камітэт Грамадскага аб'яднання «Беларускі рэспубліканскі саюз моладзі». Па словах другога сакратара Уладзіміра Багданава, ён стаў своеасаблівым стартам, пляцоўкай для падрыхтоўкі далейшай працы па стварэнні савета працоўнай моладзі Мінскай вобласці. Гэта будзе самы сапраўдны калегіяльны орган, у якім будуць збірацца парады, прымацца рашэнні па рэалізацыі дзяржаўнай маладзёжнай палітыкі і вырашацца надзённыя праблемы моладзі.

- Сёння перад намі стаяць выразныя практычныя задачы, - адкрыў форум першы сакратар Мінскага абласнога камітэта ГА «БРСМ» Кірыл Шык. - Але спадзяемся, што сустрэча пройдзе без лішняга пафасу ў сяброўскай атмасферы і акрамя цікавай і карыснай інфармацыі вы павязеце з сабой яшчэ і добры настрой. Мы сапраўды працуем над стварэннем савета працоўнай моладзі, а дакладней Рэспубліканскага савета лідэраў, у склад якога ўвойдуць самыя актыўныя маладыя людзі. Важна, каб яны, апроч іншага, былі гатовыя ўзяць на сябе ўсю паўнату адказнасці. Сёння ж мы з вамі пазнаёмімся з працай інстытута перападрыхтоўкі і абмяркуем актуальныя для нашай краіны тэмы.

Таксама гасцей павітала першы прарэктар Мінскага абласнога інстытута развіцця адукацыі Інга Кандрацьева.

- Мы шчыра рады прымаць у гэтых сценах прадстаўнікоў працоўнай моладзі вобласці. Прыемна бачыць вынік таго, як Рэспубліканскі саюз моладзі культывуе ў маладых людзях патрыятычныя і культурна маральныя каштоўнасці, выхоўвае грамадзянскую самасвядомасць і дапамагае развівацца творчаму патэнцыялу - дае актыўным і мэтанакіраваным людзям выказваць сваю пазіцыю і ўплываць на развіццё нашага грамадства. Бо гэта так важна, што б той, каму ёсць што сказаць - быў пачуты і атрымаў падтрымку сваіх смелых ініцыятываў. А сістэма адукацыі Мінскай вобласці - гэта неад’емная частка саюза моладзі. Таму сёння нам вельмі прыемна бачыць столькі неабыякавых людзей, удзельнікаў форуму.

Інга Пятроўна прадставіла некалькі пазнавальных відэа, у якіх падрабязна распавядалася пра дзейнасць Інстытута развіцця адукацыі, яго ўдзеле ў міжнародных праектах і напрамках развіцця. А пасля запрасіла ўдзельнікаў у імправізаваную літаратурную гасцёўню - мабільную музейную экспазіцыю адукацыі Мінскай вобласці. Дзе ў кнігах і друкаваных прынадах захавана педагагічная спадчына Міншчыны. Экскурсію правяла начальнік аддзела інфармацыйнага забеспячэння і бібліятэчнай работы Алёна Белая. У канцы яна прапанавала ўдзельнікам азнаёміцца ​​з інфармацыйнымі буклетамі. Адзін з іх: «100 папулярных кніг для моладзі» быў аформлены ў выглядзе тэсту - колькі з пералічаных твораў вы прачыталі? У мяне выйшла трыццаць два.

Пасля экскурсіі для ўдзельнікаў форуму быў праведзены масавы трэнінг накіраваны на тое, каб дапамагчы маладым людзям пераадолець розныя псіхалагічныя бар'еры ў зносінах. З такімі бар'ерамі мы сустракаемся штодня і часта, проста ігнаруем іх. Напрыклад, калі ў нас па нейкай прычыне не складваецца зносіны з пэўным чалавекам, то мы хутчэй за ўсё перастанем прадпрымаць спробы. Гэта рэальна ў звычайным жыцці, але непрымальна для тых, хто нясе адказнасць за прыняцце рашэнняў, арганізацыю працы іншых людзей. Для лідэраў. А паколькі форум працоўнай моладзі "PROрайон" быў заяўлены як стартавая пляцоўка для пачатку працы па стварэнні Савета лідэраў, гэтая тэма была вельмі актуальная.

Пасля невялікага перапынку адбыўся Адкрыты дыялог на тэму «Еўрапейскія гульні ў сталіцы - удзел БРСМ і моладзі». Асноўнымі спікерамі сталі трох разовы чэмпіён свету па веславанні на каноэ, майстар спорту міжнароднага класа, член Алімпійскай зборнай і выхаванец ДЮСШ “Алімпія” Мінскага раёна Арцём Козыр; майстар спорту міжнароднага класа па рускім жыме, рэкардсмен Рэспублікі Беларусь, Расійскай Федэрацыі, Еўропы і свету па рускім жыме і жымовому марафону Павел Клындюк і майстар спорту па веславанні на каноэ, выпускнік Плешчаніцкага вучылішча Алімпійскага рэзерву Лагойскага раёна Дзмітрый Саніковіч.

У выніку размова ахапіла больш шырокае кола пытанняў, чым проста Еўрапейскія гульні. Гаворка пайшла пра тое, як важна прыцягваць дзяцей і моладзь да спорту. Зала адзначыла, што часта для гэтага проста няма ўмоваў.

- Хутчэй - няма жадання, - адказаў Павел Клындюк, які з'яўляецца таксама першым сакратаром Чэрвеньскага РК ГА «БРСМ». - Зараз у Чэрвені ёсць клуб «Сілавыя віды спорту», ​​працуе секцыя для дзяцей. Першую спробу я распачаў 2017 годзе - ці правёў першы буйны турнір па шматпаўторным жыме і станавай цязе, хоць да гэтага вопыту арганізатара у мяне не было.

Натуральна само па сабе ўсё гэта не з'явілася. Мне здаецца, таму і важная ініцыятыва. Калі ставіш перад сабой канкрэтную мэту, знаходзіш і спосабы яе дасягнення.

Таксама ён адзначыў, што важна зацікавіць і заматываваць дзяцей, на сваім прыкладзе паказаць, чаму займацца спортам гэта важна.

Арцём Козыр і Дзмітрый Саніковіч падтрымалі гэтую думку і распавялі, што ў дзяцінстве матывавала іх і чаму яны прыйшлі ў вялікі спорт.

А ў канцы сустрэчы першы сакратар абласнога камітэта «БРСМ» Кірыл Шык прапанаваў спартсменам пакінуць аўтографы на надта незвычайным прадмеце - вясле. Гэта аказалася добрай традыцыяй саюза моладзі, так яны сабралі аўтографы ўжо не аднаго спартсмена.

Перад завяршэннем форуму Кірыл Іванавіч яшчэ раз нагадаў удзельнікам, што сапраўдны малады лідэр павінен быць заўсёды гатовы праявіць ініцыятыву і ўзяць на сябе адказнасць за яе рэалізацыю.

Аляксандра Гарачка.

Фота з архіву абласнога камітэта "БРСМ".

Оцените материал
(0 голосов)
Прочитано 3155 раз

Галерея изображений

Авторизуйтесь, чтобы получить возможность оставлять комментарии